minsan napadpad akong saguijo bar sa makati. nagkataon kakatapos lang ng holy week nun yung mga tao wala sa mood magparty. natyempuhan kong andun ang sugarfree. sampu lang kaming audience. kumanta sila ng U2 covers at mga kanta nila dati tulad ng mariposa. tayo balahibo ko.

nung human rights day napadaan akong kape isla sa serendra para makipag meet sa rocked pips. natyempuhan kong andun si noel cabangon, nakitambay bago gig nya somewhere else. kumanta sya ng joni micthell covers at ibang signature songs nya tulad ng kanlungan at uunahin kita. naka nganga ako the whole time.

madalas akong maka tsamba ng mini concerts. swerteng nakaka tyempo lagi. tamang kakilala. tamang lugar. tamang panahon. at sa mga panahong iyon naiimortalize yung mga kanta sa akin.
ganun naman yata sa lahat ng aspeto ng buhay. tyempuhan lang ang pagkakaroon ng saysay. madalas, nagkakaroon lang halaga ang isang bagay kapag nandun ka na at nararanasan mo na.

kaya kumilos ka na bago ka pa malipasan ng panahon. kilalanin ang dapat makilala. puntahan ang hindi pa nararating. mangyayari lang ang lahat kung andun ka na.

ang tagal kong hinanap ang kantang to. salamat sa youtube. sigurado ako marami din sa inyo sabik na marinig tong muli. lahat ng memories nun babaha pabalik. panalo.

eto yung tipo kong sound. mabilis ang beat. panalo ang lyrics. at easy listening. walang pa senti epek. parang yung kaklase mong magaling magitara nung high school. yung walang paki alam. yung kaibigan ng lahat. ganun ka palagay ang loob ko sa knatang to at sa bandang yan.

more of them here.

human rights day. kape isla serendra. noel cabangon.

karapatang pantao para sa akin ang makarinig ng magandang musika. salamat kay noel sa isang di malilimutang pagkakataon. kinanta nya circle game ni joni mitchell. at kanlungan. tindig balahibo ko.

hapi birthday daddy g! more pics here.

medyo mabagal mag upload ng pics sa multiply ko ngayon kaya standby muna tayo sa ilocos tour. pero isa sa mga highlights ng biyaheng yun, narealize ko, tanggap ko ng matanda na nga ako kasi nag eenjoy na ko sa taenang videoke na yan. impak, dun ko rin nalaman ang top three videoke songs na kaya kong ipambato sa all star k! the one million peso videoke challenge. yey.

at number 3, andrew E’s andrew ford medina. eto ang unang exposure ko sa pinoy hiphop kasabay ng mga kababayan ko ni francisM. kaya hindi nakapagtataka na kahit tumatae ako sa gitna ng dagat na maraming pating kabisado ko to. eto yung kantang marinig mo lang ang beat alam mo na kagad ang kasabay na lyrics. pang lss lang, lahat sila nakatira sa san lorenzo vill among the four.. kay anna, ako napatingin hehe kanta pa! hehe nung minsan napunta ako sa san lorenzo vill laking tuwa ko parang wish ko lang episode ko nung grade 4 ayus!

number 2. kastilyong buhangin. grade two ako ng sinubukan kong lumaban sa singing contest sa school. medyo boses ipis ako nun kaya i was politely kicked out of the contest kasi may sakit daw ako. pero tulad ng lahat bagay, yung mga failures natin ang nagpapatibay sa atin kaya mula grade two hanggang two weeks ago, minaster ko ang kantang to. nagngitngit sa galit ang munti kong puso, na dahil sa kantang to, sinabihan akong hindi ako marunong umawit. asan na kayo ngayon? walang lang basagan ng beer sa ulo. hahamunin ko kayo. guguho kayong parang kastilyong buhangin.

number 1, bituing walang ningning. e-explain ko pa ba? mahal ko si sharon cuneta. pakshet. walang basagan ng trip. sabay sabay: balutin mo ako sa hiwaga ng iyong pagmamahal…

jologs kung jologs. bring it on!

romeo and juliet (1996). medyo na adik ako kay shakespeare, pinanood ko romeo and juliet baz luhrman version. bonus nalang yung shakespeare, dabest kasi ang soundtrack neto. at syempre height ng kagandahan ni clare danes to. at my gash ayiiii si leonardo my gash! kapag baz luhrman sigurado maganda ang soundtrack at naka high contrast ang visuals kaya gusto ko. para kang nagkaka visions tapos maka singhot ng katol hehe

“What’s in a name? that which we call a rose by any other name would smell as sweet..”  - shakepeare

oo nga naman. siguro sa pag-ibig nawawalan ng saysay ang pangalan. pero sa pag-ibig naman kasi nawawalan ng saysay ang lahat. hahamakin nga daw ang lahat ikanga ni balagtas.

kanina sa opis habang nag aabang ng test results ang ibang filipino technological heroes napag-usapan nila ang mga kakaibang pangalan. marami kasi ang buntis ngayon at isa dun ay si miss bolivar. eto ang mga pangalan na kelangan nya iwasan: shaw, quezon, roxas, magsaysay at aurora. takte.

nakaka badtrip lang kasi hindi naman ako kasali sa usapan kaya hindi dapat ako nakikinig sa kanila. kaya hindi dapat ako tumatawa. eh ang hirap pa naman magpigil tumawa, kadalasan kasi lumolobo sipon ko. pakshet.

so what’s in a name? nasa atin yun. dala natin kasi kahit saan. kaya kelangan alagaan.